以下是Sky Sir 友好：棋亮撰文
這幾天加了約一成注碼落高息國企，分別電訊同基建都有加，如果今日收到26000點以上，會加埋高息國企水泥，主要原因都係博中概股上流出大量資金後，部份中國基金仍然必須投資中國。
民企除了要硬食政策外，仲要負起部份共富的責任，騰訊500億，阿里1000億，話就話唔係即刻比，但相關共富項目自然會向他們埋手。高息係市場經歷大波幅後，都想多個增強信心的理由，息係一個心理支持。至於水泥，之前就講過，煤價高企大山壓住未升到，但中國7月鬆入口量後，未來半年煤應該受控，咁水泥有返一浪行。
現時市場處於距間上落階段，唔好嘅係個股波幅好大，連坐在成年都無波幅既基建股，都爆波幅，要好好心理質素先坐得穩。另加一隻黑天鵝就係，美國對中資股的取態，如果限制退休基金或、大學基金或保險基金投資中國，就算唔係禁哂，加個比例上限，會係另一個衝擊。此外，關係高息債市場的內房債務重組潮都應該就到，所以四成幾貨外，都買啲put保條尾。
棋亮執筆
Search